يا صاح

ياصاح باذن الاصم تتعب ترا لوصحت
عندالغريب اشفرق لو غيمت لوصحت
سكرانة كل الربع بلجي تهب لوصحت
واتشيل حملن ثكل زحمة بعد حملة
لو جرح صاب الظفركل الجسم حملة
احذر لداء الكذب سولك عليه حملة
لاتبخل بغانمة بعدك يخي لوصحت


ياصاح شوف انتهة كبل الدمع لاهلة
لااهلي اتنازلوا في حبنة لاهلة
لاهية لية صفت روحي وحرت لاهلة
ومن جور وكتة علية ماشوف كلبي سلم
سلم حياتي انتهة وصرت انه باخرسلم
مو جنت اول امس تتمنة اردلك سلام
هسة انة من سلمت انت الترد لاهلة


يا صاح كَلي الحچي يحلا بعسل لو ملح
الحچي وزن الفتى لو كَال جمله وملح
يصبح كلامه عبر حكمه ومعاني وملح
واليوم حچي الصدكَ اصبح عقيم وجاف
حيث البخت والعدل بالناس قل وجـف
الملح چان الدوه لللحم لمن جـاف
واليوم شنهو الدوه لو جاف حتى الملح


ا صاح لمن تمر سولك علينة مرة
كلت للشماتة عسل يالعشرتك مرة
ضوكيني يادنيتي يوم من الفرح مرة
وردي علي يادنيتي مني
مطبوخ يا صاحبي هم ينوخذ من ني
نصيحة ارد انصحك حجاية اخذ مني
الحب ماهو لعب والعشك بس مرة


ياصاح صير الدوة مو جنت مرهم لك
وضكنه مرار الوكت ياشين مرهملك
عوف الزعل ياترف بلله امرهملك
حب أبوسط هل كلب من بعد العسر ياسر
وسراري راحت أسف شكضب شهد ياسر
مادام أنت الخنت وداعت نظر ياسر
قررت أعوفك بعد ياشين مرهملك